بنات الناس اه .....اختك لا والف لا !!!!!!!!!!!!

من طرف **Doaa** الجمعة أبريل 09, 2010 6:51 pm

لية دايما الشاب بيرضى اى حاجة على بنات الناس ومش بيرضى ان دا يحصل مع اختة ؟
مع ان ربنا مش بيرضى بكدا ودايما بيبعت حد يخلص فى اختة اللى عملة مع البنات.

لية دايما الشاب يمشى ويعاكس دى ودى؟ طيب بذمتك ابقى اقعد يوم مع نفسك وعد كام واحدة عاكستها النهاردة
ولما حد يعاكس اختة يعمل فيها راجل ويتشاكل ويكون هيموت نفسة .

لية دايما تسمح لنفسك انك تكلم دى ودى واختك لا .....دا اكيد بيرجع لسبب انك متاكد ان اللى انت بتعملة غلط والبنت اللى بتكلمها غلط بدليل انك مش راضى لاختك بكده.

طيب مش بتحس بالذنب وانت بتعمل كدا تفضل تجرى ورا بنت علشان تكلمت ووقت ما تكلمت تبقى زيها زى غيرها
او حتى لو كنت بتحبها برضة بتكون هتموت وتكلمها بس برضة وقت ما تكلمت يعنى ممكن تفضل تحبها بس مع الايام اكيد هتغير وجهة نظرك
طيب لية اول ما البنت تجيى تسالك انت بتحبنى تقعد تقولها قصايد مع ان اللى بيحب حد بيحافظ علية وانت كده مش بتحافظ عليها.
لو سالتك طيب ترضى لاختك بكده (يعنى ان ولد يكلمها زى ما انت بتكلمها) تبقى اجابتك .....لو هوا بيحبها زى ما انا بحبك ارضى
تسمحلى اقولك انك كذاب
لانك عمرك ما هتوافق لاختك بكده

ونفترض انك هتوافق بجد يبقى تسمحلى اقولك انك مش راجل .... فين النخوة يا جماعة
بجد حرام تكسر قلب بنت لانك بتكون داخل عليها بدور الحب وتعشمها بحاجات وفى الاخر يبقى ولا حاجة ....... والله حراااااام
حرام انك تفضل توهم فى بنات لمجرد انها مرضتش تكلم صاحبك ......ازاى بقى لازم تكلمها وبعد ما تكلمك تقولها انتى عاملة نفسك محترمة ومكلمتيش فلان اللى هوا صاحبك يعنى طيب اديكى كلمتينى ........
هو فيه ايه بجد؟

وحكاية الرهان ايلى الواحد بيسمع عنها خلاص يا شباب معدش فاضل غير انكوا تتراهنوا على بنت ......
هى الناس جرالها ايه ؟

هنا انا مش بخص كل الشباب انا بتكلم عن فئة
معينةومش بخص حد انا اتكلم فى العموم
بجد يا شباب ياريت تتقوا ربنا شوية

ومش معنى ان فى بنت كنت بتحبها اوى وغدرت بيك يبقى كل البنات كدا وتقعد تخلص اللى اتعمل فيك معاهم.
ياريت يا جماعة تعتبروا البنات اخواتكم........ وتشوفوا لو هترضوا كده لاخواتكوا يبقى اعمل براحتك لانك ساعتها مش هتستحق ان يطلق عليك مسلم.

وياريت تفهموا الموضوع

واسمع اراء الاعضاء الشباب والبنات

وبرجع اقول انا مش بتكلم فى الخصوص ومش بخص حد
ولكننى
اتكلم فى العموم وعن فئة معينة مش الشباب ومش كل الشباب كدة
قولولى رايكم فى الموضوع دة
مع تحياتى
واسفة للاطالة عليكم

من طرف **محمد سعيد** الجمعة أبريل 09, 2010 7:30 pm

علي رايك والله يا دعاء
تلاقي الواحد من دوول يحب يتكلم مع دي ودي
ويقعد مع دي ودي
وعمال يحوط عليهم
ولو عرف ان اخته في ولد بيكلمها يعمل فيها عم الدكر
علي الرغم انه بيرضي ده علي بنات الناس

بجد هقول يا بن ادم افعل ما شئت كما تدين تدان
ولا حول ولا قوه الا بالله

من طرف **zamalek 4 ever** الجمعة أبريل 09, 2010 7:36 pm

الدنيا بتلف والى عملته هيتعمل فيك حتى لو بعد مليون سنه

من طرف **Doaa** الجمعة أبريل 09, 2010 9:40 pm

محمد سعيد كتب:
علي رايك والله يا دعاء
تلاقي الواحد من دوول يحب يتكلم مع دي ودي
ويقعد مع دي ودي
وعمال يحوط عليهم
ولو عرف ان اخته في ولد بيكلمها يعمل فيها عم الدكر
علي الرغم انه بيرضي ده علي بنات الناس

بجد هقول يا بن ادم افعل ما شئت كما تدين تدان
ولا حول ولا قوه الا بالله

انا بجد سعيدة اوووي يا جماعه من ردودكم ع موضوعي وعندك حق يا محمد والله * افعل يا بن آدم ما شئت كما تدين تدان *

بنات الناس اه .....اختك لا والف لا !!!!!!!!!!!!

بنات الناس اه .....اختك لا والف لا !!!!!!!!!!!!

رد: بنات الناس اه .....اختك لا والف لا !!!!!!!!!!!!

رد: بنات الناس اه .....اختك لا والف لا !!!!!!!!!!!!

رد: بنات الناس اه .....اختك لا والف لا !!!!!!!!!!!!