فرندس اون لاين
مرحبا بك

وعجبي !!!

اذهب الى الأسفل

وعجبي !!!

مُساهمة من طرف Doaa في الأحد مايو 09, 2010 1:40 am

ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحورأعدي بحر ألاقي غيره اتحفر
عجبي !!!

نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي !!

شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!


أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!


يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !!!!

في يوم صحيت شاعر براحة و صفا
الهم زال و الحزن راح و اختفي
خدني العجب و سألت روحي سؤال
أنا مت ؟ و لا وصلت للفلسفة
عجبي !!!

نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي !!!

السم لو كان في الدوا منين يضر ؟
و الموت لو عدونا .. منين يسر؟
حط القلم في الحبر و اكتب كمان
.. و العبد للشهوات .. منين هو حر؟
عجبي !!!

الدنيا أوده كـــــــــــبيره للانتظار
فيها ابن أدم زيه زي الحـــــــمار
الهم واحد .. و الملل مشــــــترك
و مفيش حمار بيحاول الانتـــــحار
عجبي !!

أيوب رماه البين بكل العـــــــــلل
سبع سنين مرضان وعنده شلل
الصــــبر طيب .. صبر أيوب شفاه
بس الأكـــــــــاده مات بفعل الملل
عجبي !!!



كروان جريح مضروب شعاع م القمر
سقط من السموات فؤاده انكســـــــــر
جريت عليه قطه علشان تبلعـــــــــــه
أتاريه خيال شعراء و مالهـــــوش أثر
عجبي !!!

إخطفني ياللي تحبني ع الحصان
الدنيا قالت يوم في ماضي الزمان
إخطفني ياللي تحبني ع الـــــفرس
الدنيا قالت .. قام خطفها الشيطان
عجبي !!!!

جالك أوان ووقفت موقف وجـــود
يا تجود بده يا قلبي يا بده تجــــود
ما حد يقدر يبقي علي كل شـــــــئ
مع إن – عجبي – كل شئ موجود
عجبي !!!

أنا كنت شئ و صبحت شئ ثم شــئ
شوف ربنا .. قادرعلي كل شـــــــئ
هز الشجر شواشيه ووشوشني قال :
لابد ما يموت شئ عشان يحيا شئ
عجبي !!

يا مشرط الجراح أمانة علـــــــــــيك
و انت ف حشايا تبص من حواليــك
فيه نقطة سوده في قلبي بدأت تبان
شيلها كمان .. و الفضل يرجع إليك
عجبي !!!




عجبى!!!!
كيف شفت قلبي و النبي يا طبيــــــــــــب
همد و مات و الا سامع له دبيـــــــــــــب
قاللي لقيته مختنق بالدمـــــــــــــــــــــوع
و ما لوش دوا غير لمسه من إيد حبيب
عجبي !!!!

سمعت نقطة ميه جوه المحيـــــــط
بتقول لنقطه ما تنزليش في الغويط
أخاف عليكي م الغرق .. قلـــــت أنا
ده اللي يخاف م الوعد يبقي عبيط
عجبي !!!

.. دي مزكرات و كتبتها من ســـــــــنين
في نوتة زرقا لون بحور الحنيــــــــــــن
عترت فيها .. رميتها في المهمـــــــلات
وقلت صحيح أما صحيح كلام مخبولين
عجبي !!

بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت قالوا مفيش
غير بس هو الحب قارب نجاه
عجبي !!!

فتحت شباكي لشمس الصبـــــــــــــــــاح
ما دخلش منه غيــــــــــر عويل الريـــاح
و فتحت قلبي عشان ابوح بالألـــــــــــــم
ما خرجش منه غير محبه و سمــــــــاح
عجبي !!!!

غمست سنك في السواد يا قلـــــــــــــــم
عشان ما تكتب شعر يقطر ألــــــــــــــــم
مالك جرالك إيه يا مجنون ... و ليــــــــه
رسمت ورده وبيت و قلب و علـــــــــــم
عجبي !!!

انا الذي عمري اشتياق في اشتيـــاق
و قطر داخل في محطة الـــــــــفراق
قصدت نبع السم وشربت ســـــــــم
من كتر شوقي وعشمي في التريـــاق
عجبي !!!

غمض عينيك و ارقص بخفة و دلع
الدنيا هي الشابة و انت الــــــــجدع
تشوف رشاقة خطوتك تعبــــــــدك
لكن انت لو بصيت لرجليك ....تـقع
عجبي !!!

حاسب من الاحزان و حاســـــــب لها
حاسب علي رقابيك من حبلـــــــــــها
راح تنتهي و لابد راح تنتهــــــــــي
مش انتهت أحزان من قبلهــــــــــا؟
عجبي !!!

يأسك و صبرك بين إيديك و انت حر
تيأس ما تيأس الحياه راح تــــــــمر
أنا دقت مندا ومندا عجبي لقيــــــت
الصبر مر و برضك اليـأس مـــــــر
عجبي !!

ولدي نصحتك لما صوتي اتنبــــــــــــح
ما تخفش من جني و لا من شبـــــــــح
و ان هب فيك عفريت قتيل إسألـــــــــه
ما دافعش ليه عن نفسه يوم ما اندبح
عجبي !!

أنا اللي بالأمر المحال اغتــــــــــــوي
شفت القمر نطيت لفوق في الهـــــوا
طلته ما طلتوش إيه انا يهمنـــــــــي
و ليه .. ما دام بالنشوة قلبي ارتوي
عجبي !!

ياللي بتبحث عن إله تعــــــــــــبده
بحث الغريق عن أي شئ ينجـــده
الله جميل و عليم و رحمن رحــيم
أجمل صفاته .. وانت راح توجده
عجبي !!!

_________________
اللهم اني عفوت عن كل من ظلمني واغتابني وانتقص من قدري

فاعفو عنه واغفر لي

يارب إذا أسأت إلي الناس فأعطني شجاعه الاعتذار

وإذا أساء لي الناس فأعطني شجاعه العفو
avatar
Doaa
queen of friendsonline
queen of friendsonline

عدد المساهمات : 207
نقاط : 343
تاريخ التسجيل : 26/03/2010
العمر : 28
الموقع :

الرجوع الى أعلى الصفحة اذهب الى الأسفل

رد: وعجبي !!!

مُساهمة من طرف محمد سعيد في الأحد مايو 09, 2010 1:33 pm

غمض عينيك و ارقص بخفة و دلع
الدنيا هي الشابة و انت الــــــــجدع
تشوف رشاقة خطوتك تعبــــــــدك
لكن انت لو بصيت لرجليك ....تـقع
عجبي !!!

_________________

hbk
avatar
محمد سعيد
Admin

عدد المساهمات : 133
نقاط : 146
تاريخ التسجيل : 02/12/2009
العمر : 27
الموقع : FRIENDSONLINE.HOOXS.COM

http://friendsonline.hooxs.com

الرجوع الى أعلى الصفحة اذهب الى الأسفل

رد: وعجبي !!!

مُساهمة من طرف ساكورا في الأحد مايو 09, 2010 11:24 pm

شكررررررا لكى يا دعاء موضوعك جميل
avatar
ساكورا

عدد المساهمات : 42
نقاط : 46
تاريخ التسجيل : 25/03/2010

الرجوع الى أعلى الصفحة اذهب الى الأسفل

رد: وعجبي !!!

مُساهمة من طرف zamalek 4 ever في الإثنين مايو 10, 2010 12:02 am

مبروك لاهلى ياعم مع انى دمى اتحرق بس يلا اخلى عندى روح رياضيه واقول الجايات اكتر يا اهلى

_________________

بقى احنا زباله التاريخ يا نادى الصهيونيه صحيح نادى الكووس والمنشطات
avatar
zamalek 4 ever
king of sport
king of sport

عدد المساهمات : 354
نقاط : 843
تاريخ التسجيل : 29/03/2010
العمر : 27
الموقع : www.zamalek.sc

الرجوع الى أعلى الصفحة اذهب الى الأسفل

رد: وعجبي !!!

مُساهمة من طرف Doaa في الإثنين مايو 10, 2010 1:27 am

zamalek 4 ever كتب:مبروك لاهلى ياعم مع انى دمى اتحرق بس يلا اخلى عندى روح رياضيه واقول الجايات اكتر يا اهلى
ههههههههههههههههههههههههههههه
ليه هو دمك كان ع النا ر طيب مش تاخد بالك منه طيب لالالالالالا ملكش حق يا زمالك الله يبارك فيك

_________________
اللهم اني عفوت عن كل من ظلمني واغتابني وانتقص من قدري

فاعفو عنه واغفر لي

يارب إذا أسأت إلي الناس فأعطني شجاعه الاعتذار

وإذا أساء لي الناس فأعطني شجاعه العفو
avatar
Doaa
queen of friendsonline
queen of friendsonline

عدد المساهمات : 207
نقاط : 343
تاريخ التسجيل : 26/03/2010
العمر : 28
الموقع :

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى